Ordenagailu jokoen klasiko bat da
Head over Heels ezaguna. Guk aspaldi jokatu genuen fosforo beredeko pantailako
Amstrad PCW8256 zahar batean, soinu gailu bakartzat erloju digitalek dutenaren antzeko 'beeper' bat zuena. Hala ere, jokoaren garapena hain da adiktiboa non orduak eta orduak eman genituen gela guztiak arakatzen.
Ezagutzen ez duzuenontzat, puzzletan oinarritutako jokoa da Head over Heels. Bi pertsonaia ezberdinekin jokatu behar da. Irudian agertzen den Head nahiko trebea da mugitzean, hegan egin dezake, baina astiro ibiltzen da, oinik ez duelako. Heels-ek berriz mugitzeko aukera murritzagoak ditu, aurrerantza baino ezin du sato egin, eta nahiko arin ibiltzen da oinak mugituz.
Jokoko geletako batzuetako puzzleak Head-ek soilik egin ditzake, beste batzuetakoak Heels-ek soilik, eta beste batzuetatik irteteko pertsonaia biak lotu behar dira, Head over Heels, bien ahalmenak lotzeko. Helburua sinplea da printzipioz: planeta ezberdinetara teletransportatu eta bakoitzean ezkutatuta dagoen koroa berreskuratzea
Beno, harira: kontua da duela oso gutxi Windowsekin zein Mac OS Xekin erabil daitekeen joko honen 'remake' bat atera dutela ordenagailu zaharretarako jokoak berreskuratzera dedikatzen den RETROSPEC webguneak.
Webgune horretako lagunen lanari esker, orain posible da joko entretenigarri hau berriro gizatzea, jatorrizko bertsioaren kalitate berberarekin, kolore eta musika berriekin eta, gainera, doan.
Jokoa ezaguna baduzu, ederto pasatuko duzu pantaila aldrebestuak nola pasatu behar ziren gogoratzen; lehenengo aldiz jokatuz gero, berriz, gero eta engantxatuago geratuko zara harribitxi klasiko honekin. Proba ezazu! Ez zaizu damutuko.
Deskarga egiteko bisitatu Head over Heels remakearen webgunea.